Ka kōrero tēnei whakaaturanga mō te tere o te waerea o ngā ngahere o Aotearoa, mō ngā repo kua whakamimititia, mō ngā momo rāwaho kua whakaurua, ā, mō ētahi momo kua whare ngaro atu nei, āke āke.  He kōrero anō rā mō te āhua o tō te tāngata aroha o Aotearoa kua huri nei ki te tiaki i tēnei whenua.

Ko Aotearoa tētahi o ngā whenua whakamutunga o te ao ka nōhia e te tāngata. Tūhuratia ngā tikanga uruuru whenua a ngā kaiheke tuatahi.

Nō te a-Kiwa te tai paringa tuatahi mai o te kirinoho, muri atu nō Ūropi, kātahi anō ka tino rerekē haere te horanuku. He nui tonu nō ngā ngahere i tāhorehorea hei whenua pāmu. He tini nō ngā kararehe ahuwhenua i whakaurua. Kua whakaaro rawa rānei koe ki te āhua o tā te hipi titiro ki te ao? Kimihia mā te ‘Kāmera hipi’.   

Ko ētahi momo i whakaurua mai i urutomokia te taiao. I tētahi pouaka utanga, whakaarohia he āpiha mōriroriro koe, he rapu i ngā momo urutomo kino.

Ko te mana whakatau o te huringa o te ngaronga, koia ko te kaupapa o te kaitiakitanga o te taiao. Toroa te maramataka kimihia ai ngā rangi tino pai ki te hī ika, ki te whakatō kai, ki te hauhake, ki te whakangā rānei.

I ēnei rangi, arā ngā tāngata o Aotearoa kua whakapau kaha ki te tiaki i te rerenga rauropi o tēnei whenua. Mātakina tētahi kiriata e kōrero ai ētahi o ngāi Aotearoa mō ō rātou anō tūrangawaewae.