Tomo mai ki te waonui, ki konei tonu ki te whare taonga.  He whakaaturanga whai tupu whakaritorito a Te Ngahere neke atu i te 100 ngā momo tipu taketake me ētahi o ngā toka tawhito rawa o Aotearoa.

Kia poto kau te hīkoi, ka tūpono atu ki te huhua o ngā taiao rerekē o Aotearoa.  Whakawhitia te arahanga i Te Taiao | Nature, ā, ka tapoko atu ki te puihi matomato taketake. Kia poto kau atu, ka kitea ngā toka puia me ngā tipu ūtonga ka tino ora i ngā rohe mānia tairanga. Hāereere i roto i tētahi kukuwai, haurapa atu ki tētahi tauira ana pākeho.

Me whakangā

Kātahi te wāhi whakangā ko Te Ngahere. Kia kai ō mata ki te wahapū, e noho rānei ki te pūkaki ki reira kite ai rongo ā-ihu ai i te ngahere. Tērā tonu tētahi tūī ka kitea atu, ētahi atu manu taketake rānei.

Kia pārekareka ki ngā mahi pai mā te whānau

Hukea ngā mātātoka, whakawhitia tētahi ara tāwēwē, tapoko atu ki tētahi ana ki reira kitea ai ngā titiwai, ngā keo iri, me ngā wheua o ngā moa whare ngaro.