I te tau 1768, i runga rā tēnei pū repo i te HMB Endeavour i te rerenga atu o Rūtene Hēmi Kuki i Ingarangi. He terenga whakahura ao tūroa tā Kuki. He mea whakahau hoki ia ki te tango whenua mā Piritānia, i runga i te whakaaetanga anake a te iwi kāinga.

Heoi i Niu Tireni, ko ngā kaha tukitukinga i waenga i ngā kaumoana me te tāngata whenua. Ka mate ngā Māori ki ētahi wāhi. I whakamahia te pū repo ki te whakawehi ki te turaki hoki.

Nō muri mai ka tere atu te Endeavour ki Ahitereiria, ā, ka paea i te Great Barrier Reef. I whakahekehia te pū me ētahi atu e rima ki te whakamāmā i te kaipuke, ā, ka tere anō.

Ka rua rautau i muri mai, ka kitea te pū repo. Ka tīkina mai ngā pū e ono, ā, nā te Kāwana o Ahitereiria i tuku i tēnei ki a Aotearoa.