I haumi e hui e a Te Papa me Wētā Workshop ki te waihanga i tēnei whakaaturanga rumaki kāore nei ōna rite.

Ki konei kitea ai te kōrero he kaha te ngari o te whakahau a te Pakanga Tuatahi o te Ao ki Karipori, mā ngā kitenga me ngā kupu a te tokowaru o ngāi Niu Tireni, hui atu ki tētahi nēhi.

E rua mano, e whitu rau, e whitu tekau o ngāi Aotearoa i hinga i Karipori ki Tāke, ā, he tokomaha hoki i whakatūrorongia i riwha. Mā Karipori: Te Pakanga Nui koe e kawe atu ki te pūtake o tēnei kaupapa nui i roto i te hītori o Aotearoa.

Ka ora mai anō a Karipori i ngā whakapakoko nui, ngā tuku ata, me ngā kōrero pono mārika. Ko ngā whakapakoko nui e waru e hāngai ana ki ngā tāngata tūturu. Ka 24,000 haora ki te waihanga mai. He tini noa atu anō ngā haora i whakapaua ki te rangahau i ngā kōrero whakahirahira.

Anei ngā mea e rima ka tino tūtohu atu

• Toroa tētahi whakaahua-roto pāhekoheko e whakaatu nei i te pānga nui mai o ngā momo hāmanu ki ngā tinana.

• Mātakina he kiriata Ahu-3 o te whakaekenga ki Karipori.

• Tomokia tētahi whakaruru ka rongo ai ki ngā reta i tuhia atu e Kānara William ki tana wahine.

• Mātirohia atu tētahi tauira o te kaipuke hōhipera o Maheno.

•  Whakarongo ki ngā kōrero pono mārika ka kōrerotia atu e ngā ika ā-whiro, e ngā kaiwhakaari rānei.