Ki Uruwhenua, ka kitea ngā kōrero whakamīharo mō ngā tāngata i heke mai ki Aotearoa i te 200 tau kua pahure.

Ka toroa ngā taonga me ngā ataata ā ētahi whānau i ngā kōrero hautoa mō ngā manene i wehe mai i ō rātou kāinga tupu kanorau pērā i Īnia, i Hūmarie, i Taratāmia me Te Moananui-a-Kiwa.

I panaia ētahi nā te pakanga me te rawakore, i tōia mai ētahi nā te tūmanako ki tētahi oranga pai ake. Kimihia ngā kōrero mō te hunga i paea mai – mai i tētahi kaiako whakangungu nō Kamapōtia e rere atu ana i te riri tara ā-whare, ki ngā tamariki nō Pōrana i ora i ngā puni mahi tāmi a Rūhia, me tētahi wahine nō Ingarangi i hinga ki te aroha ki tētahi hōia nō Aotearoa.

He tini mano ngā manene Airihi me ngā manene Pākehā i tae mai i ngā tau tōwaenga o ngā tau 1800. Kōpipiri atu ki te wāhi moenga itiiti o tētahi kaipuke pāhihi nō te karangatanga tautauhea – kia pērā rawa rānei e koe te haere i ētahi marama? Toroa ngā haerenga a te whānau māia o Guard i te hapori kaipatu tohorā turekore.

Ko Uruwhenua e whakanui ana i te hōhonutanga me te kanorautanga i kawea mai e ngā manene ki Aotearoa. Tirohia ngā matapaia i hangaia e ngā kaihoahoa nō Ūropi e rere atu ana i te Pakanga Tuarua o te Ao, he piana i tukuna ki te one o Pito-one i te tau 1840, me ngā taonga o ia rā a ngā kairapu koura Hainamana i Ōtākou.

He aha rā te mea ka ākina koe kia wehe atu i tō kāinga tupu?