Ko Phar Lap tētahi o ngā tino hoiho whakataetae o te ao. I whānau mai ia pātata ki Te Tihi-o-Maru i te tau 1926. E rua tau i muri mai i poapoatia tētahi Amerikana e tētahi kaiako hoiho o Niu Tireni ki te hoko i a Phar Lap.

Ka pakeke haere ana a Phar Lap, ka tere ake tana oma – o ngā rēhi 41 whakamutunga, e 36 ngā rēhi i toa. E toru rā i mua atu i te Melbourne Cup,1930, i ngana tētahi ki te pupuhi i a ia. Engari auare ake, nā, i toa a Phar Lap i taua whakataetae.

I te tau 1932 ka mate mūrere a Phar Lap i Karipōnia. I tangi tahitia e ngāi Niu Tireni e ngāi Ahitereiria. I ēnei rā, kei konei te kōiwi, kei te Melbourne Museum te hiako, ā, kei te National Museum of Australia te manawa!

E 6.35 kirokaramu te taumaha o tōna manawa – nui atu i te 1.5 rea te taumaha mō te nuinga o ngā hoiho horomata!