Kei te takiwā o te 500 manokaramu te taumaha o te ngū tipua a Te Papa, ā, kāore tonu ia kia pakeke noa! I te tau 2007, ka tōia mai ia i roto i te Moana ki Te Tonga e tētahi waka hī ika o Aotearoa.

Ko te ngū tipua ngā tino tipua tuaiwi-kore o te ao – ngā koiora kāore he tuaiwi. Ka 4 mita te roa.

Ko te ngū tipua tētahi tino kaikonihi i Te Tai-Huka-a-Pia. Ko ngā karu anō he whutupōro te rahi, kia kitea ai ā rātou marurenga kei te uriuri. He ruarua ngā mea ora ka puta ora iti i ngā ngutu kaha, i ngā kawekawe tara hurihuri.

Ko Te Papa anake te whare taonga e kitea mārie ai te tinana katoa o te ngū tipua. Pākia ngā tauira o tētahi tara me ngā ngutu kei te pito whakamutunga o te kura wai.