Tirohia ngā whakairo whakanako o tēnei waharoa nui. He waharoa hoki a Te Papa – he tomokanga ki ngā ahurea taonga tuku iho o Aotearoa.

Ko te waharoa he tomokanga ki tētahi pā. Neke atu i te 6 mita te teitei o tēnei waharoa – kua whakairohia i te rākau tōtara kotahi, e rua ōna whakawae.

Kei waenga e tū ana ko ngā tūpuna, kei ngā taha ko ngā manaia. Kei te kite rānei koe i te āhua o te tū o te tūpuna o waenganui me tōna pūkana mai? Tērā pea ka tūpono koe ki ēnei tū nekehanga i roto i ngā pōwhiri.

He mea whakairo tēnei waharoa nā Neke Kapua, rātou ko ana tama ko Eramiha rāua ko Tene, nō Ngāti Tarāwhai. I whakairohia ai e rātou ki te Colonial Museum, nā, ko Te Papa ināianei.  I whakaaturia ai i te whakakitenga ā-Ao o Aotearoa i te tau 1906–07.