Ngā tīkiti

Kei te Papa 2 te pae Tīkiti.  Hokona ngā tīkiti hei kuhunga ki te whare taonga (mā ngā manuhiri o te ao anake), ngā whakaaturanga utu, ngā tāpoi arataki, me Te Papa Pūrākau mā te tamariki i raro i te 5 tau. Tīkina ake tētahi mahere kimihia ngā kōrero mō ngā whakaaturanga me ngā kaupapa.

Kuhunga whare taonga

• Manuhiri o te ao: Ka $35 te utu kuhu ki te whare taonga mā te hunga 16 tau neke atu te pakeke. Ka whai mana tō tīkiti mō te 48 haora. He utukore te kuhu mā ngā tamariki i raro i te 16 tau.

•  Ngāi Aotearoa: He utukore te kuhu ki te whare taonga – kāore he take o te tīkiti. Kei roto i tēnei ko ngā kirirarau o Aotearoa me te hunga whai kōkota ako, hunga mahi, hunga noho rānei ki Aotearoa.

Tāpoi arataki

Uru ki tētahi tāpoi arataki me tētahi Kaimanaaki mōhio.

• Manu taki i Te Papa: Tūhuratia ngā ahurea, te hītori, me te taiao o Aotearoa.

• Mea Whakamīharo a te Māori: Toroa ngā tikanga me ngā kōrero o te ao Māori.

• Karipori: Te Pakanga Nui: Tirohia te kōrero mō ngā tāngata o Aotearoa i te Pakanga Tuatahi o te Ao.

• Ngā Kōrero Toi: Toroa ngā toi hou o Aotearoa

• Mea whakamīharo a Te Papa ki te reo Manarini 蒂帕帕亮点之旅 汉语 : 通过生动翔实的中文讲解，让您进一步了解新西兰的历史文化，聆听馆藏珍宝背后的故事。 Te ara tino pai hei torotoro whānui i ngā mea whakamīharo a Te Papa, ngā taonga Māori, me te hītori o Aotearoa.

Pakeke 16 tau neke atu: $50

Tamaiti 5 ki te 15 tau: $25

I raro i te 5 tau: Utukore

Manuhiri o te ao: He utu tā ēnei mō ngā tāpoi arataki anake, kāore e whai wāhi ana ki te $35 mō te kuhu ā ngā manuhiri o te ao ki te whare taonga. Tiakina te $10 mā te hoko i tētahi utu whāiti tāpoi arataki + kuhu whare taonga – e wātea nei mā te tuihono anake.

Ratonga manuhiri

Ka tuwhera a Te Papa 10 i te ata ki te 6 i te ahiahi hāunga te Rā Kirihimete.

Kei te Papa 1 ngā kāpata mō ngā hanga pērā i te koti, i te pēke. He whakaritenga utu.

He utukore te ipurangi – hono atu ki te ahokore utukore o Te Papa.

Kei ngā Papa 1, 2, 3, 4 me te 5 ngā wharepaku.

Kei te Papa 1 ki te wharekai, kei ngā Papa 2, 4, me te 5 anō ngā rūma mātua.

Kei te wātea ngā tūru wīra me ngā kuta taumatua kāore he utu ki te whakamahi – uia tētahi Kaimanaaki.

Ngā Wharekai me ngā toa

Te Papa Kai: Ko tō mātou wharekai toa whiwhi-tohu he wāhi pai hei whāngai i tō puku i tō toronga. Papa 1, ka tuwhera i te 9 i te ata ki te 5 i te ahiahi ia rā, hāunga te Rā Kirihimete. Ka kati te kīhini i te 3 i te ahiahi.

Kawhe Kutētē: E tuku ana i ngā inu wera me ngā inu tī paramanawa. Kia pai te tirohanga atu ki ngā whakaaturanga. Papa 4, ka tuwhera i te 10 i te ata ki te 4 i te ahiahi ia rā, hāunga te Rā Kirihimete.

Toa Te Papa: Kimihia ngā hua motuhake o Aotearoa, atu i ngā mahinga toi o nāianei ki ngā taonga tuku iho Māori. Ka tautoko ia hoko i Te Papa. Papa 1, ka tuwhera i te 9 i te ata ki te 6 i te ahiahi ia rā, hāunga te Rā Kirihimete.

Toa Tamariki: He toa perehana mā ngā tamariki. He retireti kei roto hei whakangahau i ngā tamariki i a koe e hokohoko ana. Papa 2, ka tuwhera i te 9 i te ata ki te 6 i te ahiahi ia rā, hāunga te Rā Kirihimete.

Kei tānoatia ngā taonga, tēnā kaua e kai e inu ki roto i te whare taonga.

E āhei ana te hopu whakaahua me te kiriata hei take whaiaro, māna e kī ana ngā pānui kia kaua.